O
Grupo de Acción Local do Sector Pesqueiro (GALP) A
Mariña-Ortegal informa da apertura do prazo para a
solicitude de axudas destinadas a proxectos enmarcados nas
Estratexias de Desenvolvemento Local Participativo (EDLP),
correspondentes ao exercicio 2026.
Estas
axudas convócanse no marco do Fondo Europeo Marítimo, de
Pesca e de Acuicultura (FEMPA) 2021-2027, co obxectivo de
impulsar o tecido económico e empresarial do territorio do
GALP A Mariña-Ortegal.
Os
proxectos seleccionados poderán recibir, con carácter xeral,
unha intensidade de axuda de ata o 50 % do gasto
subvencionable, en función da puntuación obtida, cun importe
máximo de 200.000 euros e, no caso do sector da pesca ata
250.000 euros, dependendo da tipoloxía do proxecto. Estas
axudas poderán incrementarse ata o 100 % cando se trate de
proxectos de interese colectivo ou beneficiarios colectivos
ou iniciativas vinculadas á pesca costeira artesanal.
As
iniciativas deberán desenvolverse no ámbito territorial do
GALP A Mariña-Ortegal, que comprende os concellos de
Valdoviño, Cedeira, Cariño, Ortigueira, Mañón, O Vicedo,
Viveiro, Xove, Cervo, Burela, Foz, Barreiros e Ribadeo, con
independencia da localización
da sede social ou do
domicilio fiscal da persoa ou entidade promotora, sempre que
sexa na Comunidade Autónoma de Galicia.
Dende
o GALP A Mariña-Ortegal destacan que esta nova
convocatoria de subvencións supón unha oportunidade para
promotores, pequenas empresas, persoas autónomas e entidades
sociais, permitindo transformar ideas en proxectos reais
capaces de xerar emprego, valor engadido e impacto positivo
no territorio costeiro.
O
grupo anima a todas as persoas emprendedoras, empresas e
entidades interesadas en impulsar novas iniciativas de
desenvolvemento a participar e coñecer de primeira man as
posibilidades de financiamento para o ano 2026.
O
prazo de presentación de solicitudes é dun mes e remata o 16
de febreiro de 2026.
Achegamos ligazóns que poden ser de interese:
https://www.xunta.gal/dog/Publicados/2026/20260116/AnuncioG0427-091225-0...
https://galp.xunta.gal/.../edlp-galp_a_marinaortegal_.pdf
https://galp.xunta.gal/a-marina-ortegal
Para
máis información e asesoramento, contactar coa axente de emprego e desenvolvemento local do concello do Vicedo ou directamente no propio GALP A Mariña-Ortegal: 982563355 ou no correo electrónico galp.mar.marinaortegal@xunta.gal
