BENEFICIARIOS
Poderán ser persoas beneficiarias das subvencións as persoas físicas e xurídicas titulares de establecementos turísticos de aloxamento e de restauración que reúnan os requisitos establecidos nestas bases e que teñan autorizado ou clasificado o establecemento turístico para o que se solicita a axuda (tipos de establecementos turísticos: a) os establecementos hoteleiros, campamentos de turismo, establecementos de turismo rural, apartamentos turísticos e albergues turísticos; b) os restaurantes incluídos no Grupo I do artigo 77 da Lei 7/2011).
No caso das empresas, deberán estar comprendidas na definición de pequena e mediana empresa (PEME).
QUE SE SUBVENCIONA:
Poderán ser obxecto de subvención,, os seguintes investimentos:
1. Actuacións destinadas a mellorar as condicións de accesibilidade e supresión de barreiras arquitectónicas.
2. Obras destinadas á mellora das instalacións coa finalidade de obter certificacións de calidade, en especial o Q de Calidade Turística.
3. Actuacións destinadas á adaptación ás modificacións normativas e á mellora da clasificación do establecemento que supoñan un incremento de categoría.
4. Actuacións de renovación e modernización das instalacións e embelecemento da contorna da instalación.
5. Equipamentos mobles necesarios para o funcionamento.
6. Actuacións de mellora da climatización que favorezan a sustentabilidade coa implementación de medidas de aforro enerxético, así como a instalación ou mellora de sistemas de extracción e renovación do aire.
7. Actuacións de dixitalización dos sistemas de xestión e comercialización do establecemento. O investimento en equipamentos e telefonía móbil non poderá ser superior ao 5 % do orzamento total do proxecto ou da contía xustificada, de ser esta inferior a aquel.
8. Adaptación dos sistemas de seguridade e saúde na prestación de servizos.
9, Servizos profesionais vinculados ao proxecto, como honorarios técnicos de redacción do proxecto e de dirección de obra. Os honorarios técnicos non serán superiores ao 6 % do investimento neto admitido.
IMPORTE SUBVENCIONABLE:
Os proxectos poderán acadar unha subvención de ata o 60 % (según a puntuación acadada polos proxectos) sobre o orzamento do investimento subvencionable. O importe máximo da axuda a cada entidade beneficiaria será de 60.000,00 euros.
PRAZOS E LUGAR DA SOLICITUDE: as solicitudes deberán presentarse de forma electrónica, e o prazo de solicitude é dun mes a contar desde o 13/03/2026.
MÁIS INFORMACIÓN: contactar coa Axente de Emprego e Desenvolvemento Local ou pinchando nos seguintes enlaces: https://sede.xunta.gal/detalle-procedemento?langId=es_ES&codtram=TU503A
https://www.xunta.gal/dog/Publicados/2026/20260312/AnuncioG0256-020326-0001_es.pdf
No hay comentarios:
Publicar un comentario