BONOS TALENTO EMPRESA (DOG20/07/2023)

 

ORDE do 3 de xullo de 2023 pola que se establecen as bases reguladoras das axudas Bonos Talento empresa, para a realización de proxectos formativos de curta duración que desenvolvan as entidades beneficiarias, cofinanciadas pola Unión Europea no marco do programa FSE+ Galicia 2021-2027, e se procede á súa convocatoria para as anualidades 2023-2024 (código de procedemento TR302D).

 

·PROCEDEMENTO: concorrencia non competitiva.

·OBXETO:formación non formal mediante a realización de proxectos formativos de curta duración que teñan como obxectivo mellorar as capacidades das empresas e contribuír ao desenvolvemento profesional dos seus cadros de persoal.

As accións formativas estarán orientadas á adquisición de competencias comprendidas entre os ámbitos de capacitación prioritarios:

a) As competencias dixitais, desde a dixitalización básica ata a adquisición de competencias e coñecementos técnicos avanzados, a adquisición de coñecementos de tecnoloxías innovadoras ou disruptivas, etc.

b) As competencias das persoas traballadoras en procesos industriais.

c) As competencias vinculadas á xestión empresarial.

d) As competencias de prestación de servizos a clientes.

e) As competencias do ámbito asistencial.

O período de realización das accións formativas subvencionables comprenderá desde o día seguinte ao da publicación desta orde ata o 30 de novembro de 2023, para aquelas accións formativas que se desenvolvan exclusivamente no ano 2023. Para as accións formativas que se desenvolvan entre 2023 e 2024, ou exclusivamente en 2024, a data límite para o remate das accións formativas será o 30 de setembro de 2024.

·BENEFICIARIOS:

-      As microempresas e pequenas empresas, así como as entidades do terceiro sector da acción social, validamente constituídas e con actividade ininterrompida, cando menos, desde tres anos antes da data de publicación desta convocatoria, con centro de traballo en Galicia, onde deberán desenvolver a actividade para a cal solicitan a subvención.

-     As persoas traballadoras autónomas que teñan contratadas ao seu cargo persoas traballadoras por conta allea, con centro de traballo en Galicia e cunha antigüidade como cotizante igual ou superior a tres anos ininterrompidosinmediantamente anteriores á data de publicación desta convocatoria.

·AXUDAS: contía máxima de 25.000 euros por entidade solicitante (limitada ao 70% do gasto subvencionable).

·SOLICITUDE:

-      Presentarse obrigatoriamente por medios electrónicos, a través do formulario normalizado dispoñible na sede electrónica da Xunta de Galicia, https://sede.xunta.gal.

-      O prazo iníciase o 21/07/2023 e remata o 29/09/2023, ou ata que se produza o esgotamento do crédito asignado a esta convocatoria.

Para máis información pinche no seguinte enlace https://www.xunta.gal/dog ou diríxase á Axente de emprego e desenvolvemento local do concello.