CaixaBank lanza un novo maratón de emprendemento rural na localidade coruñesa de As Pontes, os días 19 e 20 de maio, no que poderán participar novas ideas innovadoras en sectores clave, como o forestal, a enerxía, o turismo activo e as experiencias turísticas, así como proxectos que melloren os servizos á poboación. Este maratón forma parte do programa de CaixaBank Tierra de Oportunidades, dedicado a impulsar o emprendimento rural e a creación de emprego, co obxectivo de deter a crecente despoboación de núcleos rurais.
Esta segunda edición do maratón celebrarase no Talent e conta coa implicación dos Grupos de Desarrollo Rural (GDR) Seitura 22 da provincia da Coruña, e Terras de Miranda e Montes e Vales Orientais de Lugo. .
Neste maratón poderán participar tanto novas persoas emprendedoras como empresas que queiran lanzar novas liñas de negocio. Todos eles xa poden rexistrarse na web de www.ruraltalent.eu. Os participantes traballarán, durante dous días e medio, con mentores especializados, empresas referentes do sector en talleres e dinámicas de traballo e networking, para construir os seus modelos de negocio e que podan poñelos en marcha nas comarcas rurais.
Ademáis, os emprendedores optarán a 12 axudas económicas, de entre 500 e 2.500 euros. Todos os participantes poderán incorporarse, como recoñecemento, á incubadora rural INCUBATIO, lanzada por Rural Talent co apoio de CaixaBank.
No hay comentarios:
Publicar un comentario