OBXECTO:
O Bono Emancípate 2026 ofrece unha axuda
económica para persoas mozas que alugan ou mercan unha vivenda, co obxectivo de
cubrir gastos iniciais da emancipación (non inclúe o pago do aluguer nin o pago
do prezo da vivenda). A axuda permite pagar:
- Mobles
- Electrodomésticos
- Utensilios de cociña
- Artigos de baño
- Téxtil de fogar
- Artigos de decoración.
A axuda utilízase a
través dunha tarxeta virtual, só en establecementos físicos de Galicia. Non permite compras por
internet.
Contía da axuda:
-1.500 € para persoas que aluguen.
-3.000 € para persoas que merquen unha vivenda.
A tarxeta caduca o 31 de decembro de 2026.
BENEFICIARIOS/-AS:
Poden pedir a axuda as persoas que cumpran
TODOS estes requisitos:
1.-Ter entre 18 e 35 anos no momento da
solicitude da axuda.
2.-Ter nacionalidade española, ou dalgún dos
Estados Membros da UE/do Espazo Económico Europeo ou de Suíza, ou ter
parentesco segundo a normativa de aplicación. No caso de persoas estranxeiras
non comunitarias: ter residencia regular en España.
3.- Ter ingresos regulares (ter traballo, ser
persoal investigador ou en formación ou percibir unha prestación periódica)
Débese demostrar:
Vida laboral mínima: 3 meses nos últimos 6
meses antes da solicitude ou compromiso de ingresos durante 6 meses desde a
solicitude.
No caso de ter máis dunha fonte de ingresos
sumaranse todas.
4.- Cumprir os límites de ingresos segundo
unidade de convivencia.
5.- Ter un contrato de alugueiro ou escritura
de compravenda formalizados despois do 30 de abril de 2025 e, en todo caso,
antes da data de remate do prazo de solicitudes.
O contrato de alugamento ten que ter unha
duración mínima dun ano, e no caso de compravenda a vivenda deberá constiturír
a súa residencia habitual e permanente por un prazo de, polo menos, cinco anos,
contados desde a data da formalización da escritura pública de compravenda.
6.-Estar empadroada/o na vivenda pola que se
solicita a axuda no momento de presentar a solicitude.
7.-Non posuír:
- Outra vivenda en propiedade (agás casos de
separación, herdanza sen testamento ou vivenda inaccesible por discapacidade).
- Parentesco ata 2º grao coa persoa arrendadora
ou vendedora.
- Participación societaria na empresa
arrendadora ou vendedora.
Non ter recibido a axuda do Bono Emancípate
2025.
8.-Estar ao día coas obrigas tributarias, coa
Seguridade Social e coa Xunta.
Cada vivenda só pode recibir unha axuda. Se
varias persoas conviven e piden a axuda xuntas, repártese a contía entre elas a
partes iguais.
solicitudes, Prazo e lugar de
presentación: obrigatorio presentación electrónica, apertura do prazo o próximo 13/02/2026
, ás 09:00 horas. O prazo finaliza o 30/04/2026 20:00, ou con anterioridade co
esgotamento do crédito. As solicitudes vanse resolvendo por orde de entrada,
con expediente completo.
É necesario indicar teléfono móbil, necesario
para activar a tarxeta.
Debe achegarse a seguinte documentación ou
indicar se xa se presentou con anterioridade:
- Representación,
no caso de non figurar inscrito no Rexistro de Apoderamentos de Galicia.
- Contrato de alugueiro ou escritura de
compravenda.
- Documentos
que acrediten ingresos (contratos, certificados, prestacións…).
-
Documentación específica se existe separación, discapacidade ou vivenda
herdada.
-
Anexos II e III (se hai convivencia ou non se presentou IRPF).
MÁIS INFORMACIÓN:
https://www.xunta.gal/dog/Publicados/2026/20260210/AnuncioG0766-220126-0001_gl.pdf
https://sede.xunta.gal/detalle-procedemento?codtram=CT501B&ano=2026&numpub=1
No hay comentarios:
Publicar un comentario