OBRADOIROS DE XERACIÓN DE PROXECTOS DO MAR ORGANIZADOS POLO GALP A MARIÑA-ORTEGAL

Este é o calendario dos obradoiros de xeración de proxectos do mar que se realizarán entre o 5 e o 20 de novembro no territorio, para que poidan difundir e participar nos mesmos. As sesións están organizadas polo GALP A Mariña-Ortegal, dentro do proxecto GOBERMAR, en colaboración cos concellos da zona.

Data de celebración e horario	Hora	Lugar de celebración	Localidade
Martes 5 de novembro	17.00	Local social da casa do concello	CARIÑO
Mércores 6 de novembro	18.00	Auditorio municipal	CEDEIRA
Martes 12 de novembro	18.00	Centro de San Roque	ORTIGUEIRA
Xoves 14 de novembro	18.00	Centro de Formación Ocupacional	BURELA
Martes 19 de novembro	18.00	Sala multiusos da casa do concello	VIVEIRO
Mércores 20 de novembro	18.00	Casa da Xuventude	RIBADEO

Os encontros están dirixidos a empresas do sector, confrarías, asociacións, persoas emprendedoras e público interesado en xeral.

Nos encontros trataranse os seguintes temas:

·       Obxectivos e ideas de negocio con posibilidades de financiamento. Detalle de proxectos produtivos financiados nos últimos 3 anos para o sector.

·       Necesidades que se detectaron no traballo de campo (confrarías, asociacionismo e empresas)

·       Café-debate. Espazo aberto para identificar novas liñas de negocio nas empresas extractivas, transformadoras e comercializadoras.

As persoas interesadas en asistir deben inscribirse a través do seguinte correo electrónico: gobermar.marinaortegal@gmail.com